Lokaskýrsla - Eigendahlutverk styrkjaverkefnis og styrkjaúthlutun 2022 - 23. maí 2024.pdf

Innri endurskoðun og ráðgjöf (IER) hefur lokið úttekt á styrkjaverkefni Reykjavíkurborgar en það verkefni var á innri endurskoðunaráætlun 2022-2023 fyrir A hluta borgarsjóðs. Um var að ræða staðfestingarverkefni sem felur í sér hlutlæga athugun og mat á gögnum til þess að gefa óháð álit á stöðu innan eftirlits hjá borginni.

Úttektin náði til fjögurra eininga Reykjavíkurborgar; menningar- og íþróttasviðs (MÍR), fjármála- og áhættustýringarsviðs (FAS), þjónustu- og nýsköpunarsviðs (ÞON) og skrifstofu borgarstjórnar (SBS).

Helstu áhersluatriði úttektar voru stjórnskipulag styrkveitinga Reykjavíkurborgar, auglýsing og umsóknir styrkumsókna, úthlutun og samþykktarferli styrkumsókna, bókhald og samningsgerð og eftirlit og eftirfylgni styrkveitinga.

Niðurstöður voru kynntar í endurskoðunarnefnd þann 23. maí sl. og í borgarráði þann 13. júní sl.

Lokaskýrsla hefur verið send stjórnendum og ábendingum beint til ábyrgðaraðila. 

Eigendahlutverk styrkjaverkefnis Reykjavíkurborgar og styrkúthlutanir 2022

Samantekt - Rekstrarvörur fyrir prentara - IER23090020.pdf

Markmið eftirfylgni var að kanna viðbrögð við ábendingum sem settar voru fram í minnisblaði Innri endurskoðunar í september 2019. Brugðist hefur verið við öllum framsettum ábendingum og máli lokið af hálfu IER. 

Kaup á rekstrarvörum fyrir ljósritunarvélar og prentara - eftirfylgniúttekt

IER23030027 - Vetrarþjónusta Reykjavíkurborgar - 19.02.2024.pdf

Úttekt á vetrarþjónustu Reykjavíkurborgar samkvæmt innri endurskoðunaráætlun 2022-2023. Niðurstöður voru kynntar fyrir endurskoðunarnefnd 23. febrúar 2024 og umhverfis- og skipulagsráði þann 3. apríl 2024. 

Áætlanagerð og rekstur vetrarþjónustu Reykjavíkurborgar

Innri endurskoðun og ráðgjöf Reykjavíkurborgar

Með hagsmuni borgarbúa að leiðarljósi

Í dag var kynnt fyrir endurskoðunarnefnd Reykjavíkurborgar starfsskýrsla fagsviðs innri endurskoðunar fyrir árið 2022. 

Í skýrslunni er komið inn á hlutverk og tilgang innri endurskoðunar sem er að bæta rekstur samstæðu Reykjavíkurborgar með því að veita óháða staðfestingu og ráðgjöf á sviði stjórnarhátta, áhættustýringar og innra eftirlits.  

Í skýrslunni er að finna yfirlit yfir starfsemi fagsviðsins, umfang innri endurskoðunar hjá samstæðu Reykjavíkurborgar og helstu niðurstöður úttekta og eftirfylgnikannana á árinu 2022. Skýrslan varpar ljósi á það samstarf sem á sér stað milli fagsviðsins og allra fag- og kjarnasviða í stjórnsýslu Reykjavíkurborgar ásamt B hluta félögum. 

Starfsskýrsla fagsviðs innri endurskoðunar 2022

Nýútgefin starfsskýrsla fagsviðs innri endurskoðunar fyrir árið 2022

Innri endurskoðun og ráðgjöf (IER) gaf út niðurstöður úttektar á viðhaldsstjórnun fasteigna Reykjavíkurborgar þann 5. júní 2023.

Í samræmi við innri endurskoðunaráætlun 2022-2023 var framkvæmd úttekt á viðhaldsstjórnun fasteigna Reykjavíkurborgar. Tilgangur úttektar var að skoða heildstætt hvernig viðhaldsstjórnun borgarinnar væri háttað með það að markmiði að finna úrbótatækifæri. Stuðst var við ISO 55001 staðalinn um eignastjórnunarkerfi og voru tekin úr staðlinum helstu viðmið varðandi viðhaldsstjórnun. Sjónum var aðallega beint að stjórnskipulagi og stefnu í viðhaldi eigna, skilgreiningu á eignasafni og kröfum hagsmunaaðila, viðhaldsáætlunum og framkvæmd þeirra.  

Meginniðurstaða úttektar IER er að endurskoða þarf stjórnskipulag Reykjavíkurborgar þannig að það stuðli að skilvirkri eigna- og viðhaldsstjórnun fasteigna. Móta þarf viðhaldsstefnu og markmið sem styðja við heildarstefnu Reykjavíkurborgar. Bæta þarf viðhaldsáætlunarferlið, m.a. með því að innleiða aðferðafræði áhættustýringar við forgangsröðun verkefna, og horfa ætti til lengri tíma við gerð viðhalds- og kostnaðaráætlana en eins árs í senn.  Einnig þarf að bæta vöktun á ástandi eigna og kerfisbundið mat á stöðu þeirra þannig að hægt sé að gera lengri tíma áætlanir um viðhaldsþörf. Jafnframt þarf að gera áætlun um hvernig unnið verður úr uppsafnaðri viðhaldsþörf eigna vegna ónógrar fjármögnunar viðhalds á árunum 2009-2018. Að lokum þarf að bæta verkefnisstjórnunarferla og vinnulag við stærri viðhalds- og endurnýjunarverkefni og miðlun upplýsinga til hagsmunaaðila. 

Niðurstöður voru kynntar endurskoðunarnefnd þann 5. júní sl. og síðan kynnt á fundi borgarráðs þann 15. júní sl. Á þeim fundi voru jafnframt kynnt drög að erindisbréfi starfshóps borgarstjóra sem settur er til að vinna að gerð umbótaáætlunar varðandi viðhaldsstjórnun fasteigna Reykjavíkurborgar, byggt á stjórnsýsluúttekt IER. 

Hér má lesa nánar um niðurstöður úttektarinnar.

Innri endurskoðun og ráðgjöf (IER) gaf út niðurstöður úttektar á sjálfstætt starfandi tónlistarskólum þann 5. júní 2023. 

Markmið úttektar var að kanna hvernig framkvæmd og eftirfylgni þjónustusamninga við sjálfstætt starfandi tónlistarskóla sé háttað. 

Upplýsingagjöf frá skólunum til SFS byggir á útfyllingu í líkanið Tónalaun þar sem starfsmenn skólanna færa inn ýmsar upplýsingar um nemendur, kennslustundir, kennara og launagreiðslur til þeirra. Lykilbreytur í þjónustusamningum eru einkum tvær; kostnaður á stund og fjöldi kenndra stunda. 

Meginniðurstaða IER er að áreiðanleiki og réttleiki upplýsinga úr Tónalaunum er dreginn í efa, þar sem mikil frávik komu fram í margs konar samanburðarnálgunum sem framkvæmdar voru við úttektina. Þá er það veikleiki að líkanið er með miklu flækjustigi og villuhættu, það skilar ekki samanburðarhæfum lykilbreytum sem hægt er að bera saman við þjónustusamninga og kemur þannig í veg fyrir skilvirkt eftirlit.

Hér    má lesa nánar um niðurstöður úttektarinnar. 

Úttekt á sjálfstætt starfandi tónlistarskólum

Verkefni Innri endurskoðunar og ráðgjafar Reykjavíkurborgar er ráðgjöf við borgarbúa, innri endurskoðun og persónuvernd. Innri endurskoðun og ráðgjöf Reykjavíkurborgar tekur jafnframt við ábendingum um lögbrot og aðra ámælisverða háttsemi frá starfsmönnum og borgarbúum.

Starfsemi Innri endurskoðunar og ráðgjafar er fjölbreytt. Kjarnaverkefnin eru ráðgjöf við borgarbúa, innri endurskoðunarþjónusta og persónuvernd.  

Starfsemi Innri endurskoðunar og ráðgjafar

Innri endurskoðun

og ráðgjöf